قـلـــب حـــــديــد

عدد المساهمات : 24 تاريخ التسجيل : 17/07/2010

قـلب حــديـد

حوش حوش يا ساتر أستر من الوشوش

ماسكات خدعونا بيها اللى ما يتسموش

صنعوها خشب وبلاستيك وجلد وحوش

قالو للتنكر لازم نديها ألوان وريتوش

وش يقابلك يضحك فى وشك

تأمنله وتفتكر عمره ماهايغشك

ومجرد ما عنه تميل

تلاقيه على طول يتحول

يجيب فى سيرتك ويقطع

ويشمت فيك ويتمتع .

ووش يبانلك أنه أنسان

هادي فى حاله وساكت كمان

تقول خلاص ده هوا نصيبي

أنا فى الأرض أخدته حبيبي

وبعد هدوئه تلاقى بركان

ويطلع لسكاته ألف لسان .

أستنى شويه وفوووق معايا

لأجل اللى جاي أصل الحكايا

كنت فى يوم حزين ويائس

خاصمنى النوم ولفكري حارس

ولاقيت ملاك فى الفيس سهران

حاله من حالي حيران هيمان

أستئذنته ودخلت عليه

رحب بيا ورحبت بيه

وحكيتله ع اللى جرالى

هدانى وقال حالك من حالي

اتشجعت وقلت

امالى بدت تحقق

والكلمه الصعبه

جوايا بدت تترقق

والحلم اللى

فى رمش زمانى

غطى جفونى

وصحى من تانى

لسه الفرحه يدوب

بتكحل طرف عيونى

لسه العمر يادوب

راح يملا ارجاء كونى

وقعت منها حاجه بسيطه

ف حجم يادوبك كف الايد

رنت صوتها هز كيانى

لسه با اشوفها

لقيتها يادوبك قلب حديد

Admin عدد المساهمات : 176 تاريخ التسجيل : 16/07/2010

العزيز عزيز

كثيرا ما نتقابل فى الحياه مع قلوب صنعت من مواد صلبه
لا ترق ولا تلين ولا تعرف طريقاً للعواطف
الجميل عزيز
ذكرتنى برائعة أحمد شوقى قصيده ( سلوا قلبى )
إذ يقول فى أحد ابيات رائعته
تسرب فى الدموع فقلت ولى
وصفق فى القلوب فقلت تابا
ولو خلقت قلوب من حديد
لما حملت كما حمل العذابا
تحياتى عزيز الجميل

Admin عدد المساهمات : 189 تاريخ التسجيل : 16/07/2010

دي وشوش بتضحك في عنيك

ملامحها دايما كدابة

بيغيروا منك ومش عليك

ومن كتر ما خانوا واتخانوا

بقت قلوبهم قللابة

عايزين يشوفوك بتخون

عايش نصيب يشبه نصيبهم

ماهو اصل املهم

كل املهم

يبقا الكون مخدوع

يصرخ من قهر الجوع

جوع المشاعر
------------------------------------------------------
تحياتي استاذ عزيز
فقد ذكرتني اوجاع كلماتك ببعض الكلمات التي كتبتها من قبل
وفي الآخر لا يستطيع صاحب قناع الاختباء دوما وراءه مهما طالت براعته في ذلك

Admin عدد المساهمات : 189 تاريخ التسجيل : 16/07/2010

ان تكتشف ما وراء القناع مهما خدعت في الوانه خيرا من ان تستمر مخدوعا طوال الوقت

قد تكون الالوان الحقيقية موجعة عن الالوان الظاهره وان كانت مفرحة ولكنه وجع بمنبه عند آذاننا ليقول لنا اصحوا وعيشوا في الحقيقه الخير من الاوهام
قرأت حديث شريف للرسول الكريم يقول( اللهم اكفني شر حبيب ملكته امري اما عدوي فأنا كفيل به رغم ضعفي ) (ص )

والوجع افضل بكثير من ان نملك امرنا فرحين لشخص قد يكون انصياعنا له قتل مع سبق الاصرار فيما بعد

طبعا دي آرائي والتي قد يمليها اي شخص بعيد كواجب وانا أؤمن ان اللي ايده في الميه مش زي اللي ايده في النار لذلك ليلهمك الله الصبر والاهم النسيان لأن وقت الوقيعة بيكون الواحد زي الفرخة الدايخة المفرفره ههههههههههه وطبعا دي مش تريقة ولكنها عادتي الزفت في الهزار التي لا استطيع التغلب عليها

تحياتي استاذ عزيز

عدد المساهمات : 24 تاريخ التسجيل : 17/07/2010

صديقي الأستاذ عادل
تشريفك لخاطرتي فخري وأعتزازي
نعم معك كل الحق أننا نتقابل مع قلوب كثيرة من حولنا ونجهل طبيعتها.
وفى ذلك الجهل رحمة لنا عن أن نخدع بها
فعند الجهل بالشئ نحذر ونحترس منه، لأننا نجهله.
ولكن نخدع به هنا يكمن كل الخطر، لأننا أتمناه ورفعنا عنه الحيطه والحذر.الله وحده هو القادر أن يمنع عنا غدره وخيانته
قول أمين .
تحياتي صديقي وتمنياتي لك بكل الخير

عدد المساهمات : 24 تاريخ التسجيل : 17/07/2010

الغالية لولي
وجودك يسعدني دائما،وتعليقاتك دائما تضيف المزيد
نعم كما ذكرتي فى حديث شريف للرسول الكريم يقول( اللهم اكفني شر حبيب ملكته امري اما عدوي فأنا كفيل به رغم ضعفي ) (ص )
لأن طعنة الغدر أكثر عمقا وأشد ألما
حفظنا الله منها جميعا
تحياتي وودي لشخصك الغالي