عرض من ملك عربى فديه مقابل الافراج عن مبارك

عرض ملك عربى على
مصر 3 تريليون دولار فدية مقابل خروج مبارك وعائلته سالمين من مصر . فما رأيك؟
انا من رايي اننا نقبل بس بشرط حسني مبارك والعيلة الكريمة يقرو على كل
الحرامية والمجرمين اصحابه ويعترف باماكن الفلوس المنهوبة سواء الفلوس اللي هوا
سرقها او اللي اصحابه سرقوها زي حسين سالم وغيره او اللي الوزراءا سرقوها او اللي
رجال الاعمال سرقوها ويرجعها لمصر واكيد لو كل الفلوس دي رجعت للشعب المصري اكيد
حتكون اكثر من 3 تريلالات يعني اكيد الملك العربي دا عاوز ياخد مبارك ويتااجر بيه
وينهب الفلوس منه وبعدين يعطي له خروج نهائي زي مابيحصل مع المصريين ونحن لن نسمح
ابدا لهذا الملك العربي ان يتاجر برئيسنا مبارك وان يبيع له اقامة مزورة او عقد عمل
مضروب كما حدث لكثير من المصريين العاملين في دول الخليج ونرجو من الاخ حسني مبارك
ان يوثق العقد من وزارة الخارجية ومن السفارة بتاع الملك ده اللي في المهندسين
وبالمرة لازم يراجع العقد مع وزارة القوى العاملة وكذلك قسم مشاكل ومصائب العاملين
بالخارج الموجود في وزارة الخارجية ومراجعة مكتب تصاريخ العمل بوزارة الداخلية ويلف
اللفة السودة اللي بيلفها كل المصريين الغلابة لما يجيلهم عقد عمل عند الملك صاحب
الفدية وبعد كده يراجع السفارة المصرية اللي زي قلتها في بلد الملك موضوع الحديث
عاليه ، بعد استكمال هذه الاجراءات السلسة والبسيطة نطلب رأي اخونا ابو الهول في
الموضوع واذا نطق ابو الهول ننفذ كلامه كلمة كلمة ، حرف حرف ، زنجا زنجا وبعد كده
اكيد الملك العربي ده يحتفظ جميع الاخوة المصريين بحق مقاضاته وحبسه على ذمة
التحقيق 15 يوم في شرم الشيخ او في طره حسب صحته ماتسمح وابلاغ النائب العام عنه
لمحاكمته بتبديد 3 تريليون دولار من اموال الشعب المصري كان الرئيس حسني مبارك
مسلفهم له على سبيل الامانة لغاية مايخلص من مشاكله في مصرا